മാള: കഴിഞ്ഞദിവസം രണ്ട് പേരെ കടിച്ച നായ ചത്തു. നായക്ക് പേവിഷബാധ സംശയിക്കുന്നതായി ബന്ധപ്പെട്ട ഉദ്യോഗസ്ഥർ അറിയിച്ചു.
പേ വിഷബാധ ഉണ്ടോ എന്ന് സ്ഥിരീകരിക്കുന്നതിനായി വിദഗ്ധ പരിശോധനയ്ക്കായി നായയെ മണ്ണുത്തി വെറ്ററിനറി കോളേജിലേക്ക് പരിശോധനയ്ക്കായി അയച്ചിട്ടുണ്ട്. തുടർന്ന് നായയുടെ ജഡം പഞ്ചായത്ത് അധികൃതർ മറവ് ചെയ്തു.
ഈ നായ സമീപപ്രദേശത്തുള്ള വേറെ ചില നായകളെയും കടിച്ചതായി പറയപ്പെടുന്നു. രണ്ട് ദിവസം മുമ്പാണ് അഷ്ടമിച്ചിറ അണ്ണല്ലൂർ സ്വദേശികളായ രണ്ട് പേർക്ക് നായയുടെ കടിയേറ്റത്.
പിന്നീട് നായയെ പിടികൂടി വലിയപറമ്പിലുള്ള മൃഗസംരക്ഷണ വകുപ്പിന്റെ ഷെൽട്ടറിൽ നിരീക്ഷിക്കുകയായിരുന്നു.